La princesa Leonor destaca la "emoción de la esperanza" frente al escepticismu

Confiesa que la ceremonia de los Premios Princesa ye especial pa ella porque se cumplen diez años dende que ye presidenta d'honor

La princesa Leonor destacó esti vienres, nel so discursu na ceremonia d’entrega de los Premios Princesa d’Asturies, la "emoción de la esperanza" que tresmiten los galardonaos nesta edición, frente al escepticismu o al desánimu.

Una ceremonia que, confesó, ye especial pa ella porque se cumplen diez años que ye presidenta d’honor de la fundación Princesa d’Asturies, y qu’ocupa dende la proclamación de so padre como rei d’España, una década na que, dixo, se sentió mui cerca de los valores qu’impulsa esta institución.

Dempués d’agradecer el trabayu que faen los patronos y toles persones del equipu y de los xuraos pa qu’esti vienres puea celebrase "la meyor versión de la vida", la princesa dixo que tar n’Asturies y venir a Uviéu cada añu pa vivir "l’entusiasmu que se respira estos díes" fai que se sientan "acoyíos y queríos".